இதுதொடர்பாக, டி.ஜி.பி., அலுவலகம், நேற்று வெளியிட்ட அறிக்கை:

திருவண்ணாமலை கார்த்திகை மகா தீபத்திற்கு, பல்லாயிரக்கணக்கான பக்தர்கள் வாகனங்களில் வருவர்.

இதனால், வழக்கமாக திருவண்ணாமலை வழியாக, வேறு மாவட்டங்களுக்கு செல்லக் கூடிய, லாரி உள்ளிட்ட கனரக வாகனங்கள், கார், வேன் உள்ளிட்ட இலகு ரக வாகனங்கள், டிச., 2 காலை, 8:00 மணியில் இருந்து, டிச., 5 காலை வரை, திரு வண்ணாமலை வந்து செல்ல தடை விதிக்கப்பட்டுள்ளது

l பெங்களூரு, கிருஷ்ணகிரி, திருப்பத்துார் வழித்தடங்களில் இருந்து, விழுப்புரம், கடலுார், புதுச்சேரி, திண்டிவனம் வழியாக செல்லும் கனரக மற்றும் இலகு ரக வாகனங்கள், பர்கூர், வாணியம்பாடி, வேலுார், ஆற்காடு, செய்யாறு, வந்தவாசி வழியாக செல்லலாம். இந்த வாகனங்கள், ஊத்தங்கரை, செங்கம், திருவண்ணாமலை வழியாக செல்ல அனுமதி கிடையாது

l விழுப்புரம், கடலுார், புதுச்சேரி, திண்டிவனம் வழித்தடத்தில் இருந்து, கிருஷ்ணகிரி, திருப்பத்துார், பெங்களூரு மார்க்கமாக செல்லும், கனரக மற்றும் இலகு ரக வாகனங்கள், மாற்றுப் பாதையான, வந்தவாசி, செய்யாறு, ஆற்காடு, வேலுார், வாணியம்பாடி, பர்கூர் வழியாக செல்லலாம்

l திருப்பதி, கே.ஜி.எப்., வேலுார் உள்ளிட்ட வழித்தடங்களில் இருந்து, திண்டிவனம், விழுப்புரம், கடலுார், புதுச்சேரி மற்றும் திருச்சி மார்க்கமாக செல்லும், கனரக, இலகு ரக வாகனங்கள், மாற்றுப் பாதையான வேலுார், ஆற்காடு, செய்யாறு, வந்தவாசி வழியாக செல்லலாம். இந்த வாகனங்கள் கண்ணமங்கலம், போளூர், திருவண்ணாமலை வழியாக செல்ல அனுமதி இல்லை

l திண்டிவனம், விழுப்புரம், கடலுார், திருச்சி, புதுச்சேரி வழித் தடங்களில், திருப்பதி, கே.ஜி.எப்., வேலுார் மார்க்கமாக செல்லும், கனரக, இலகு ரக வாகனங்கள், மாற்றுப்பாதையான வந்தவாசி, செய்யாறு, ஆற்காடு, வேலுார் வழியாக செல்லலாம். இந்த வாகனங்கள், வேட்டவலம், செஞ்சி, கீழ்பென்னாத்துார், திருவண்ணாமலை வழியாக செல்ல அனுமதி கிடையாது

l பெங்களூரு, கிருஷ்ணகிரி, திருப்பத்துார் வழித்தடங்களில் இருந்து, விருத்தாசலம், சிதம்பரம், நாகப்பட்டினம் மார்க்கமாக செல்லும், கனரக, இலகு ரக வாகனங்கள், மாற்றுப்பாதையான தர்மபுரி, தொப்பூர், சேலம், வாழப்பாடி, ஆத்துார் வழியாக செல்லலாம். இந்த வாகனங்கள், ஊத்தங்கரை, செங்கம், திருவண்ணாமலை, திருக்கோவிலுார் செல்ல அனுமதி கிடையாது

l விருத்தாசலம், சிதம்பரம், நாகப்பட்டினம் உள்ளிட்ட வழித்தடங்களில் இருந்து, பெங்களூரு, கிருஷ்ணகிரி, திருப்பத்துார் மார்க்கமாக செல்லும், கனரக மற்றும் இலகு ரக வாகனங்கள், மாற்றுப்பாதையான உளுந்துார்பேட்டை, ஆத்துார், வாழப்பாடி, சேலம், தொப்பூர், தர்மபுரி வழியாக செல்லலாம். இந்த வாகனங்கள், திருக்கோவிலுார், மணலுார்பேட்டை, சங்கராபுரம், திருவண்ணாமலை வழியாக செல்ல அனுமதி இல்லை.

இவ்வாறு அதில் கூறப்பட்டுள்ளது.