உலகளாவிய உயர் கல்வி ஆய்வாளர், கியு.எஸ்., குவாக்கரெல்லிசைமண்ட்சால் வெளியிடப்பட்ட கியு.எஸ்., உலக பல்கலை தரவரிசைகளின், 2025ம் பதிப்பு வெளியாகியுள்ளது.

பகுப்பாய்வு

இப்பதிப்பில், 18,300க்கும் மேற்பட்ட தனிப்பட்ட பல்கலை திட்டங்களின் செயல் திறனானது, பிற பல்கலைகள் உடன் ஒப்பீட்டு பகுப்பாய்வை வழங்குகிறது.

இந்த ஆய்வு, உலகில் 100 இடங்களில், 1,700க்கும் மேற்பட்ட பல்கலைகளில் உள்ள மாணவர்களால் எடுக்கப்பட்டது.

வி.ஐ.டி., பல்கலையின் செயல் திறன், ஒவ்வொரு ஆண்டும் உலகத் தரவரிசையில் முன்னேறி வருகிறது. வி.ஐ.டி.,யில் கற்பிக்கப்படும் நான்கு பாடங்கள் மேம்பட்ட தரவரிசைகளில் இடம் பெற்றுள்ளன.

மேலும், எட்டு பாடங்கள், அவற்றின் நிலைகளில் நீடித்திருக்கின்றன. இரண்டு பாடங்கள், முதல் முறையாக தரவரிசையில் நுழைகின்றன.

இந்த சாதனை, பலவிதமான துறைகளில் ஆராய்ச்சி தரத்தை அடிக்கோடிட்டு காட்டுகிறது. பொறியியல் மற்றும் தொழில்நுட்ப பாடப்பிரிவில், 312 முதல், 142 வரை தரவரிசையில் குறிப்பிடத்தக்க முன்னேற்றத்தை, வி.ஐ.டி., எட்டியுள்ளது.

முன்னேற்றம்

அதேபோல, இயற்கை அறிவியல், உயிரியல் அறிவியல், வணிகம் மற்றும் மேலாண்மை, வேளாண் மற்றும் வனவியல், கணினி அறிவியல் மற்றும் தகவல் தொழில் நுட்ப பாடப்பிரிவு, கணினி அறிவியல் மற்றும் தகவல் முறை, மின்சாரம் மற்றும் எலக்ட்ரானிக் பொறியியல், இயந்திரம் உள்ளிட்ட மேலும் சில பாடப்பிரிவுகளிலும் தரவரிசையில், வி.ஐ.டி., பல்கலை முன்னேறியுள்ளது.

இந்த முன்னேற்றங்கள், வி.ஐ.டி., கல்வியிலும், ஆராய்ச்சியிலும் தொடர்ந்து உயர்வை நோக்கி செல்வதையே காட்டுகின்றன.