தமிழக காவிரி நீர்பிடிப்பு பகுதிகளான அஞ்செட்டி, நாட்றாம்பாளையம், தேன்கனிக்கோட்டை, பிலிகுண்டுலு உள்ளிட்ட பகுதிகளில் அவ்வப்போது, மழை பெய்வதால், ஒகேனக்கல் காவிரியாற்றில் நீர்வரத்து அதிகரிப்பதும், குறைவதுமாக உள்ளது.

இந்நிலையில், தமிழக எல்லையான பிலிகுண்டுலுவில் நேற்று (நவ.,13) மாலை, 5:00 மணிக்கு வினாடிக்கு, 3,000 கன அடியாக இருந்த நீர்வரத்து, இன்று மாலை, 5:00 மணிக்கு, 2,000 கன அடியாக சரிந்தது. இதனால், ஒகேனக்கல்லில் ஐந்தருவி, ஐவர்பாணி உள்ளிட்ட அருவிகளில் நீர்வரத்து குறைந்து கொட்டியது.