அதில் கூறியிருப்பதாவது:

மாநாடு நிகழப்போகும் தருணம், வெகு அருகில் வந்து விட்டது. உங்கள் ஒவ்வொருவரையும் நேரில் சந்திக்க போகும் தருணங்கள், நம் இடையே இருக்கும் அன்பின் கனத்தை, இன்னும் பல மடங்கு கூட்டப் போகின்றன. அதை வார்த்தைகளில் எப்படி சொல்வதென்று தெரியவில்லை.

உச்சபட்ச அரசியல் ஒழுங்கோடு, உலகமே உற்று நோக்கி போற்றும் விதமாக, நம் வெற்றிக் கொள்கை திருவிழாவை கொண்டாடுவோம். அனைவரும் மாநாட்டிற்கு வரும்போது, பாதுகாப்பையும் கட்டுப்பாட்டையும், மனதில் நிறுத்தி பத்திரமாக வாருங்கள்.

நம் கட்சி கொடியை கைகளிலும், மனங்களிலும் ஏந்தி வாருங்கள். உங்கள் வருகைக்காக, விக்கிரவாண்டி வி.சாலை எல்லையில், என் இரு கரங்களையும் விரித்தபடி, இதய வாசலை திறந்து வைத்து காத்திருப்பேன்.

தமிழக மண்ணுக்கான வெற்றிக் கொள்கைகளை செயல்படுத்த, உறுதிபூண்டு முழங்குவோம். வரும் 2026ம் ஆண்டு இலக்கை நோக்கி, முதல் அடியை எடுத்து வைப்போம். வி.சாலை என்னும் வியூக சாலையில் சந்திப்போம்; வெற்றி நிச்சயம்.

இவ்வாறு அதில் கூறப்பட்டுள்ளது.