அமைச்சர் அன்பரசன் பேசிய வீடியோ பதிவை நேற்று அண்ணாமலை வெளியிட்டார். அதில், அன்பரசன் பேசியதாவது:

தென் மாநிலங்களில் கேரளா, கர்நாடகா ஆந்திரா, தமிழகம் உள்ளிட்ட மாநிலங்கள், மத்திய அரசு தெரிவித்ததை ஏற்று, கட்டுக்கோப்பாக இருந்து, ஒண்ணு, ரெண்டுக்கு மேல, நம் ஆட்கள் யாரும் பெற்றுக் கொள்ளவில்லை. இதனால், மக்கள் தொகை குறைந்தது. வட மாநிலங்களில் உள்ளவர்கள், பன்றிக்குட்டி போடுவது போல் போட்டு, மக்கள் தொகையை எக்கச்சக்கமாக்கி விட்டனர். தற்போது, மக்கள் தொகைக்கு ஏற்ப தொகுதி சீரமைப்பு என்கின்றனர். நம் தொகுதிகள் அடிபட்டு போகுது.

இவ்வாறு அவர் பேசியுள்ளார்.

இதற்கு எதிர்ப்பு தெரிவித்து, அண்ணாமலை அறிக்கை:

முதல்வர் ஸ்டாலின் தொகுதி மறுவரையறை நிர்ணயம் குறித்த தன் மாயையான நாடகத்தை நடத்தும்போது, தி.மு.க., அமைச்சர் அன்பரசன் பேசிய பேச்சை, கூட்டணி கட்சிகளுக்கு ஒளிபரப்புவார் என்று நம்புகிறோம். வட மாநில சகோதர - சகோதரிகளை அவமதிக்கவும், துஷ்பிரயோகம் செய்யவும், தி.மு.க., அமைச்சர்கள் கூட்டு முடிவை எடுத்தது போல் உள்ளது.

இவ்வாறு அதில் கூறப்பட்டுள்ளது.