நொய்டா கோவிலில் அன்னாபிஷேகம் முன்னிட்டு, ஸ்ரீ சந்திரமௌலீஸ்வரருக்கு அரிசி மற்றும் பல்வேறு காய்கறிகளால் அலங்கரிக்கப்பட்டது. வெண்டைக்காய், பரங்கிக்காய், பூசணிக்காய், உருளை கிழங்கு, கேரட், கத்திரிக்காய், கொட மிளகாய், சுரைக்காய், மற்றும் புடலங்காய் உள்ளிட்ட பெரிய அளவில் காய்கறிககளால் அலங்கரிக்கப்பட்டது. பக்தர்கள் பல்வேறு ஸ்லோகங்களை வாசித்தனர், சிவபெருமானை போற்றும் பாடல்களையும் பாடியவாறு காணப்பட்டனர். மேலும், இதையொட்டி திருப்புர சுந்தரி அம்மனுக்கும் பல்வேறு காய்கறிகளால் அலங்காரம் செய்யப்பட்டது.

'அன்னம்' என்றால் அரிசி மற்றும் அன்னாபிஷேகம் என்பது சமைத்த அரிசியை கொண்டு தெய்வத்தை நீராடுவதை குறிக்கிறது. இந்த தெய்வீக சடங்கு தமிழ் மாதமான ஐப்பசியில் (அக்டோபர்-நவம்பர் நடுப்பகுதி) பௌர்ணமி நாளில் செய்யப்படுகிறது. இந்தியாவில் பல்வேறு வகையான அபிஷேகங்கள் நடத்தப்பட்டாலும், தென்னிந்திய சிவன் கோயில்கள் அனைத்திலும் சிவலிங்கம் வடிவில் சிவபெருமானுக்கு இந்த குறிப்பிட்ட சடங்கு செய்யப்படுகிறது. வருடத்திற்கு ஒரு முறை இந்த வழிபாட்டைச் செய்வதன் மூலம் உங்கள் வாழ்க்கையில் உள்ள அனைத்து பிரச்சனைகளில் இருந்து விடுபடலாம். இந்த விழா சிவ அபிஷேகம் அல்லது மகா அன்ன அபிஷேகம் என்றும் அழைக்கப்படுகிறது மற்றும் பல சிவன் கோவில்களில் நடத்தப்படுகிறது.

அபிஷேக விழாவில் அவருக்கு மிகவும் பிடித்தமான பொருளாக அரிசி கருதப்படுகிறது. ஒருவரின் மனம் அவர் உண்ணும் உணவின் ஒற்றுமை என்று நம்பப்படுகிறது. ஒருவரது வாழ்க்கையில் அரிசியின் முக்கியத்துவத்தையும் தெய்வீகப் பங்கையும் குறிக்கும் வகையில், ஆண்டுதோறும் அன்னாபிஷேகம் செய்யப்படுகிறது.

இந்த அன்னாபிஷேகம் இந்தியா முழுவதிலும் உள்ள பிரபலமான சிவன் கோயில்களில் கொண்டாடப்படும் அதே பாணியில் நடத்தப்பட்டது. மகா தீபாராதனையுடன் நிகழ்ச்சி நிறைவடைந்தது, பக்தர்கள் அனைவருக்கும் பிரசாதம் வழங்கப்பட்டது. அனைத்து பூஜைகளையும் கோவில் அர்ச்சகர்கள் மணிகண்டன் சர்மா மற்றும் மோஹித் மிஸ்ரா ஆகியோர் செய்தனர்.

- நமது செய்தியாளர் எஸ்.வெங்கடேஷ்