செய்முறை

முதலில் ஒரு வாணலியில் சிறிதளவு எண்ணெய் ஊற்றவும். எண்ணெய் சூடான பின், அதில் நறுக்கிய வெங்காயம், பூண்டு சேர்த்து பொன்னிறமாக வதக்கவும்.

இதில், மஷ்ரூம், உப்பு சேர்த்து வதக்கவும். நன்றாக வதக்கிய பின் மிளகாய் துாள், சில்லி பிளேக்ஸ் சேர்த்து நன்றாக கிளறவும்.

இதில், மைதா மாவை பாலில் கலந்து அதனையும் சேர்த்து நன்றாக கிளறவும். வெண்ணெய் சேர்த்து நன்றாக வெந்ததும் இறக்கி வைக்கவும். அவ்வளவு தான்; கலவை தயார்.

இதையடுத்து, தோசைக் கல்லில் சிறிதளவு வெண்ணெய் சேர்த்து பிரட்டுகளை இரண்டு பக்கமும் போட்டு, நன்கு டோஸ்ட் செய்து எடுத்துக் கொள்ளவும்.

இந்த டோஸ்ட் செய்யப்பட்ட பிரட் துண்டுகள் மீது தயார் நிலையில் உள்ள மஷ்ரூம் கலவையை சேர்க்கவும். சுவையான, சூப்பரான ஆனியன் மஷ்ரூம் டோஸ்டர் தயார்.

இதை சூடு ஆறுவதற்குள் சாப்பிடுவது முக்கியம். மாலை நேரத்தில், குளிர்பானங்களுடன் சேர்த்து சாப்பிடும்போது சுவை மிரட்டலாக இருக்கும்

- நமது நிருபர் -.