மைசூரின் டி.கே., லே - அவுட்டில் வசிப்பவர் மஞ்சு, 35. பி.ஏ., பட்டதாரியான இவர், பல தனியார் வங்கிகளில், பல பதவிகளை நிர்வகித்தவர். மாதம் 30,000 முதல் 40,000 ரூபாய் வரை சம்பாதித்து வந்தார். அதிகமான பணிச்சுமையால் அவதிப்பட்டார்.

தாய், தந்தை, மனைவி, பிள்ளைகளுடன் பொழுது போக்க முடியவில்லை. அத்தியாவசிய நேரத்தில் விடுமுறையும் கிடைக்கவில்லை. வேறு வேலை தேடி அலைந்தார்; எங்கும் கிடைக்கவில்லை.

ஆரோக்கியம் வேலை தேடி நேரத்தை வீணடிக்காமல், பணிச்சுமை அதிகம் உள்ள வங்கி பணியை விட்டு விட்டு, சொந்தமாக சிறிய அளவில் தொழில் துவங்க ஆலோசித்தார்.

மகனின் பரிதவிப்பை புரிந்து கொண்ட தாய், ஆரோக்கியத்துக்கு உகந்ததான 'எலுமிச்சை பழ ஜூஸ்' தயாரித்து, விற்கும்படி ஆலோசனை கூறியதுடன், அதை எப்படி தயாரிப்பது என்பது குறித்தும் மகனுக்கு கற்றுக் கொடுத்தார்.

பொதுவாக அந்த காலத்தில் எலுமிச்சை ஜூஸ், நீர் மோர் ஏழைகளின் உணவு என கருதப்பட்டது. ஆனால் இப்போது ஆரோக்கியத்தை காப்பாற்றிக் கொள்ள, எலுமிச்சை ஜூஸ், கஞ்சி, மோர் அருந்துகின்றனர். ரசாயனம் இல்லாத பானங்களை விரும்புகின்றனர். எனவே மஞ்சு உடனடியாக, தாயின் ஆலோசனையை செயல்படுத்தினார்.

மைசூரின் மக்கள் நெரிசல் மிகுந்த பகுதியான குக்கரஹள்ளி ரயில்வே கேட் அருகில் உள்ள நடைபாதையில், சிறிய தள்ளு வண்டியில் எலுமிச்சை ஜூஸ், கேழ்வரகு கூழ் மற்றும் மோர் விற்பனையை துவக்கினார்.

மண்பானை சுத்தமான மண் பானையில், இவற்றை விற்றதால் வாடிக்கையாளர்கள் ஈர்க்கப்பட்டனர். சில ஆண்டுகளுக்கு முன்பு 300 ரூபாய் முதலீட்டில் மஞ்சு துவங்கிய தொழில், இன்று தினமும் 5,000 ரூபாய் சம்பாதிக்கும் தொழிலாக வளர்ந்துள்ளது.

சுற்றுப்பகுதி மக்கள் தினம் ஒரு முறையாவது, இவரது கடையை தேடி வந்து கேழ்வரகு கூழ், எலுமிச்சை ஜூஸ், மோர் அருந்துவதை வழக்கமாக வைத்துள்ளனர்.

தினமும் பொருட்களை வாங்க 1,000 முதல் 1500 ரூபாய் வரை முதலீடு செய்கிறார். 3,,500 ரூபாய் லாபம் கிடைக்கிறது.

தாயின் பேச்சை கேட்டு, சொந்தமாக தொழில் துவங்கிய மஞ்சு, இப்போது எந்த டென்ஷனும் இல்லாமல், நிம்மதியாக வாழ்கிறார். தன் குடும்பத்துடன் மகிழ்ச்சியாக பொழுதுபோக்கவும் நேரம் கிடைக்கிறது.

வேலை கிடைக்கவில்லை என, தவிக்கும் இளைஞர்களுக்கு, மஞ்சு முன் உதாரணமாக இருக்கிறார். தன் குடும்பத்தையும் மகிழ்ச்சியாக வைத்திருக்கிறார்

- நமது நிருபர் -

.