தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/ஸ்பெஷல்/லைப் ஸ்டைல்/ஆரோக்கியம்/புற்றுநோய் செல்கள் பிற உறுப்புகளுக்கு எப்படி பரவுகின்றன?

புற்றுநோய் செல்கள் பிற உறுப்புகளுக்கு எப்படி பரவுகின்றன?

புற்றுநோய் செல்கள் பிற உறுப்புகளுக்கு எப்படி பரவுகின்றன?


UPDATED : அக் 04, 2026 02:00 PM

ADDED : அக் 03, 2026 04:23 AM

Follow on GoogleFavourite on Google

UPDATED : அக் 04, 2026 02:00 PM ADDED : அக் 03, 2026 04:23 AM


Follow on Google
Latest Tamil News
அ நிறம் | அளவு

புற்றுநோய் செல்கள் பிற உறுப்புகளுக்கு பரவுவதை மருத்துவர்கள் மெட்டாஸ்டாசிஸ் என அழைக்கின்றனர். கருப்பை போன்ற ஒரு உறுப்பில் தொடங்கும் புற்றுநோய், காலப்போக்கில் கல்லீரல் உள்ளிட்ட உடலின் பிற உறுப்புகளுக்கும் பரவக்கூடும். இதை மருத்துவர்கள் மெட்டாஸ்டாசிஸ் என்று அழைக்கின்றனர்.

புற்றுநோய் ஒரு உறுப்பில் இருந்து மற்றொரு உறுப்புக்கு எப்படி பரவுகிறது?

மெட்டாஸ்டாசிஸ் என்பது முதன்மை கட்டியில் உள்ள புற்றுநோய் செல்கள் பிரிந்து உடலின் பிற பகுதிகளுக்கு செல்வதை குறிக்கிறது. இந்த செல்கள் பெரும்பாலும் ரத்த ஓட்டம், நிணநீர் மண்டலம் மற்றும் வயிற்றுப் பகுதி மற்றும் அதன் உள் சவ்வுகள் வழியாக பிற பகுதிகளிலுக்கு பரவக்கூடும். குறிப்பாக, கருப்பை புற்றுநோய், இடுப்புப் பகுதி மற்றும் வயிற்றுப் பகுதி முழுவதும் நேரடியாக பரவுவதோடு, நிணநீர் நாளங்கள் மற்றும் ரத்த ஓட்டத்தின் மூலமாகவும் மற்ற உறுப்புகளை அடையக்கூடும்.

கருப்பை புற்றுநோய் ஏன் கல்லீரலுக்கு பரவுகிறது?

கருப்பை புற்றுநோய் பெரும்பாலும் முதலில் வயிற்றுப் பகுதி மற்றும் பெரிட்டோனியல் கேவிட்டி எனப்படும் வயிற்றின் உள் பகுதியில் பரவிய பின்னரே, தொலைதூர உறுப்புகளுக்குப் பரவுகிறது. கல்லீரலும் கருப்பை புற்றுநோய் பரவக்கூடிய முக்கிய உறுப்புகளில் ஒன்றாகும். புற்றுநோய் செல்கள் ரத்த ஓட்டம் மூலமாகத் தொலைதூர உறுப்புகளை அடையக்கூடும், அதேவேளையில் கருப்பை புற்றுநோயானது வயிற்றுப் பகுதிக்குள் உள்ள பரப்புகளின் வழியாகவும் பரவக்கூடியது.

மற்றொரு உறுப்புக்கு பரவினால் அது ஸ்டேஜ் 4 கேன்சர் என்று அர்த்தமா?

புற்றுநோய் மற்றொரு பகுதிக்கு பரவியிருப்பது மட்டுமே ஸ்டேஜ் 4 என்பதை உறுதி செய்யாது. புற்றுநோய் எந்த இடத்திற்கு, எந்த அளவிற்கு பரவியுள்ளது என்பதை வைத்தே ஸ்டேஜை மருத்துவர்கள் தீர்மானிக்கின்றனர்.

ஸ்டேஜ் 4 புற்றுநோய்க்கு சிகிச்சை உள்ளதா?

மெட்டாஸ்டாடிக் புற்றுநோய்க்கும் சிகிச்சைகள் உள்ளன. நோயின் வளர்ச்சியை கட்டுப்படுத்துதல் மற்றும் பரவலை மெதுவாக்குதலே சிகிச்சையின் நோக்கமாகும். நோய் பரவியிருப்பதை பொறுத்து Cytoreductive அல்லது Debulking Surgery, கீமோதெரபி, Targeted Therapy, Immunotherapy சிகிச்சை முறைகளை மருத்துவர்கள் பரிந்துரைக்கலாம்.

புற்றுநோய் பரவ போவதை முன்கூட்டியே கண்டறிய முடியுமா?

புற்றுநோயை ஆரம்ப நிலையிலேயே கண்டறிந்து சரியான சிகிச்சை பெறுவது மிகவும் முக்கியம். தொடர்ந்து மருத்துவர் பரிந்துரைக்கும் பரிசோதனைகள் மற்றும் Follow-up சிகிச்சைகள் மூலம் நோயின் நிலையை கண்காணிக்க முடியும். தேவைப்பட்டால் CT Scan, MRI போன்ற இமேஜிங் பரிசோதனைகளும் செய்யப்படலாம்.

எனினும், உடலில் இருக்கும் மிகச் சிறிய அளவிலான அனைத்து புற்றுநோய் செல்களையும் ஆரம்பத்திலேயே கண்டறியக்கூடிய ஒரே ஒரு பரிசோதனை தற்போது இல்லை என நிபுணர்கள் தெரிவிக்கின்றனர்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us