இதில், ஏற்கனவே உள்ள 1.5 லிட்டர், 3 சிலிண்டர், டீசல் இன்ஜின் நீடிக்கிறது. இந்த இன்ஜின், 5 - ஸ்பீடு மேனுவல் கியர்பாக்ஸ் உடன் இணைக்கப்பட்டுள்ளது. 9 மற்றும் 10 அடி நீளம் என இரு வகையில் கிடைக்கும் இந்த வாகனத்தின் டெக், 1.5 முதல் 1.6 டன் எடையை சுமக்கும் திறன் உடையது. இதில், 50 லிட்டர் டீசல் டேங்க் இருப்பதால், முழு எரிபொருளுடன் 920 கி.மீ.,ருக்கு அதிகமாக பயணம் செய்யலாம் என இந்நிறுவனம் கூறுகிறது. மைலேஜ், 18.4 கி.மீ., ஆகும்.

உயர்ரக மாடலில், ரிவர்ஸ் கேமரா மற்றும் சென்சார்கள், டிரைவர் ஏர் பேக், இரு ஸ்பீக்கர் சவுண்ட் சிஸ்டம், க்ரூஸ் கன்ட்ரோல், யூ.எஸ்.பி., சி மற்றும் பி டைப் சார்ஜிங், 9 அங்குல நடு டிஸ்ப்ளே, டிஜிட்டல் கிளஸ்டர், ஏ.சி., சிலிப்பர் கேபின், வாய்ஸ் கமாண்ட், 50க்கும் அதிகமான வாகன இணைப்பு மற்றும் போன் இணைப்பு வசதிகள் உள்ளிட்ட நவீன அம்சங்கள் இடம்பெற்றுள்ளன. பவர் ஸ்டீயரிங் மற்றும் விண்டோஸ், ரிக்லைன் டிரைவர் சீட் உள்ளிட்ட அம்சங்கள் அடிப்படையாக கிடைக்கின்றன. இந்த வாகனத்தில், டிரைவர் உட்பட மூன்று பேர் பயணிக்கலாம்.