அதேசமயம், விதிமுறைகள் குறித்து விழிப்புணர்வுடன் இருந்தால் எதிர்காலத்தில் ஏற்படும் பிரச்னைகளை தவிர்க்கலாம். கட்டட வரைபடத்தின்படி, கட்டடத்தை அமைத்து, விதிமீறல்களை தவிர்ப்பது நல்லது. வரைபடம் என்பது கட்டடத்தின் மூச்சாக திகழ்கிறது.

அதிலும், பல வகையான வரைபடங்கள் இருப்பது, பலருக்கு தெரிந்திருக்க வாய்ப்பு குறைவுதான். பவுண்டேஷன் டிராயிங், ஸ்டிரக்ச்சுரல் டிராயிங், புளோர் பிளான், லிண்டல் டிராயிங், ரூப் டிராயிங், பிளம்பிங் டிராயிங், எலக்ட்ரிக்கல் டிராயிங், எலிவேஷன் டிராயிங், பர்னிச்சர் லே-அவுட், வொர்க்கிங் பிளான், சம்ப் பிளான், செப்டிங் டேங்க் பிளான், படிக்கட்டு பிளான், சுற்றுச்சுவர் டிசைன் என, பல வகைகளில் உள்ளன.

கட்டடம் வாங்கும்போது, இந்த ஆவணங்கள் அனைத்தையும் கேட்டு வாங்கி, அதனை சரி பார்த்து வைத்துக்கொள்ள வேண்டும். அதேபோல் கட்டடம் விஷயங்களிலும் கவனமாக இருந்து வாங்குவது நல்லது.

பொதுவாக தரைதளம், முதல் தளம் உள்ள கட்டடம் சாதாரண கட்டடம் எனப்படும். சிறப்பு கட்டடம் என்பது தரைதளம், முதல் தளம், இரண்டாம் தளம், மூன்றாம் தளங்களை கொண்டதாகும்.

குடியிருப்புக்காக மற்றும் வணிகத்திற்காக கட்டப்படும் கட்டடம், ஆறு குடியிருப்புகள் கொண்ட கட்டடம், 3,000 சதுரடிக்கு கூடுதலான பரப்பளவு கொண்ட கட்டடம் ஆகியன, சிறப்பு கட்டடம் எனப்படுகிறது.

நான்கு தளங்களுக்கு மேலும், 50 அடி உயரத்திற்கு குறைவான கட்டடம் என்பதும், பலமாடி கட்டடம் எனப்படுகிறது.