_{^{செந்திரு, கோவை}}

நீங்கள் சொல்லும் விபரங்களை வைத்துப் பார்க்கும் போது, உங்கள் மகளுக்கு புற்றுநோய் இருப்பதற்கான வாய்ப்புகள் மிகவும் அரிது என்று தோன்றுகிறது. என்னுடைய அனுபவத்தில், 29 வயதில் இதயத்தைச் சுற்றி நீர் கோர்ப்பது (pericardium effusion) என்பது புற்றுநோயை விடவும் காச நோயாக இருப்பதற்கான வாய்ப்புகள் அதிகம். இதுதவிர சிறுநீரகங்கள், கல்லீரல் போன்றவற்றில் ஏதாவது கோளாறுகள் இருக்கலாம். இதில், நீங்கள் பயப்படுவதற்கு ஒன்றுமில்லை. இதுவரையிலும் வெறுமனே இதயத்தைச் சுற்றியுள்ள நீரை மட்டுமே எடுத்து இருக்கின்றனரா, வேறு பரிசோதனை எதுவும் செய்யவில்லையா என்ற விபரம் இல்லை. கட்டி இருப்பதாகக் கூறுகிறீர்கள். கட்டியில் இருந்து சிறு துளி எடுத்து (biopsy) பரிசோதனை செய்ய வேண்டும். நீங்கள், ஒரு இதய, நுரையீரல் சிறப்பு மருத்துவர் (cardio thorasic) அல்லது சுவாசக் கோளாறுகளுக்கான சிறப்பு மருத்துவரின் (pulmonology) ஆலோசனையைப் பெறுவது அவசியம்.

டாக்டர் ரவீந்திரன் குமரன்

புற்றுநோய் அறுவை சிகிச்சை சிறப்பு மருத்துவர்,

அட்மெர்ட் மெடிக்கல் சென்டர், சென்னை

என் மகனுக்கு வயது, ஐந்தரை. அவன் எடை, 25.8 கிலோ. இது, அவன் வயதுக்கு அதிகம் என்று சொல்லப்படுகிறது. அவன் வயது குழந்தைகள், 18 கிலோ தான் இருக்க வேண்டும் என்று கேள்விப்பட்டேன். தினமும் இரண்டு வேளை, ஊட்டச்சத்து பானம் பருகுகிறான். அது தரலாமா, கூடாதா? அவன் எடையை எவ்வாறு குறைப்பது? என்ன மாதியான உணவுகள் தரலாம்?