நான், 25 ஆண்டுகளாக யோகா பயிற்சி செய்கிறேன். விபத்தால், கழுத்தில் ஏற்பட்ட பாதிப்பிற்காக, 17வது வயதில், யோகா செய்ய ஆரம்பித்தேன். மூச்சுப் பயிற்சியோடு செய்யும் யோகா, வலி நிவாரணம் மட்டுமல்ல; உடலுக்கும், மனதிற்கும் புத்துணர்வைத் தந்தது. தினசரி வாழ்க்கை முறையே, ஒழுங்கிற்கு வந்துவிட்டது.காலையில் எழுந்தவுடன், இரண்டு டம்ளர் வெதுவெதுப்பான தண்ணீர் குடிப்பேன். செக்கில் ஆட்டிய தேங்காய் எண்ணெயில், 7 - 10 நிமிடங்கள், ஆயில் புல்லிங் செய்வேன். அதிக நார்ச்சத்து, குறைந்த சர்க்கரை உள்ள ஓட்ஸ், ஆப்பிள் காலை உணவு, மதியம், சிக்கன், மீன், சாலட். இரண்டு ஸ்பூன் பசு நெய் சாப்பிடுவேன். வேகவைத்த உருளைக்கிழங்கு, சூப், இரவு உணவு. ஒரு உணவிற்கும் அடுத்ததற்கும் இடையில், அதிக இடைவெளி இல்லாமல் பார்த்துக் கொள்வேன். இடையிடையே, பாதாம் பால், வேக வைத்த முட்டை, வெண்ணெய், வாழைப்பழம் சாப்பிடுவேன். இரவு, 8:00 மணிக்கு பின், எதுவும் சாப்பிடும் பழக்கம் இல்லை.

- ஷில்பா ஷெட்டி குந்த்ரா, பாலிவுட் மாடல், நடிகை.