சீதா பழம்

ஆங்கிலப் பெயர்: சுகர் ஆப்பிள் (Sugar apple)

தாயகம்: தென் அமெரிக்கா

இனம்: அனோனா (Annona)

வளரும் இடங்கள்: மிதவெப்பான பகுதிகள்

சீதா பழம் என்றதும் பலரும், இந்தியாவைச் சேர்ந்த பழ வகை என நினைப்பதுண்டு. ஆனால், இது மேற்கிந்தியத் தீவுகளில் இருந்து, இந்தியாவிற்கு வந்த பழ இனம். அனோனா குடும்பத்தைச் சேர்ந்த பல பழங்களுக்கு உலகம் முழுவதும் பல வகையான பெயர்கள் உண்டு. இராமாயணத்தில் இருந்து இதற்கான பெயர் பெறப்பட்டு இருக்கலாம். இந்தியா முழுவதும் வெவ்வேறு உச்சரிப்பில் 'சீதா பழம், சீதா பழ்' என இதற்குப் பெயர் உண்டு. தற்போது இராமர் பழம், அனுமன் பழம், இலட்சுமணன் பழம் என அனோனா குடும்பத்தைச் சேர்ந்த பல பழங்கள் சந்தையில் வரத்தொடங்கியுள்ளன.

இந்தியாவில் வளரும் மாநிலங்கள்: தமிழகம், ஆந்திரம், தெலங்கானா, கர்நாடகம், மகாராஷ்டிரம், பீகார், ஒடிசா, அசாம்.

சீதா பழம் கிடைக்கும் பருவம்: செப்டம்பர் முதல் டிசம்பர் வரை

மருத்துவப் பயன்கள்:

* உடலில் உள்ள நச்சுகளைச் சுத்தம் செய்யும்.

* நோய் எதிர்ப்பு சக்தியைக் கூட்டும்.

* சோர்வடைந்த தோல் செல்களை பொலிவாக்கும். உடலில் தேவையில்லாத கட்டிகள் உருவாகாமல் தடுக்கும்.

* புற்றுநோய் வராமல் தடுக்க உதவும்.

* இனிப்புச் சுவையால், மனச்சோர்வைக் குறைத்து புத்துணர்ச்சியைக் கொடுக்கும்.

* உடலில் உள்ள ஹீமோகுளோபின் அளவை அதிகரிக்கும்.