கலிஃபோர்னியா சாக்ரமென்டோ வில் தமிழ் புத்தாண்டு விழா, மிக சிறப்பாக நடைபெற்றது. சாக்ரமென்டோ தமிழ் மன்றம் ஆண்டு தோறும் நடத்தும் இந்த நிகழ்ச்சியில் தமிழ் பள்ளிகள் மற்றும் தமிழ் குடும்பங்கள், கடலென திரண்டு வந்து தங்கள் பங்களிப்பைச் செலுத்தினர்.

இசை, நடனம், நாடகம், பட்டிமன்றம், பறை, சிலம்பம் என பல்வேறு தமிழர் மரபு சார்ந்த நிகழ்ச்சிகள் மிக சிறப்பாக நடைபெற்றது. சிறு குழந்தைகள் முதல் பெரியோர் வரை மிகவும் ஆர்வமுடன் வந்து கலை நிகழ்ச்சியில் பங்கேற்றனர். தமிழ் குடும்பங்கள் மட்டும் அல்லாமல் பிற மொழி பேசுபவர்களும் இந்நிகழ்ச்சியில் ஆர்வமுடன் பங்கேற்றனர். இந்நிகழ்ச்சியை தமிழ் மன்ற தலைவர்கள் மற்றும் தன்னார்வலர்கள் பொறுப்புடன் ஆண்டுதோறும் வழிநடத்திச் செல்வது மிகவும் பாராட்டுக்குரியது.

- தினமலர் வாசகி சந்தியா நவீன்