1906 ஆம் ஆண்டு கட்டப்பட்ட வேதாந்த சங்கத்தின் பழைய கோயில் அமெரிக்காவின் முதல் இந்து கோவிலாகும்.

அமெரிக்காவில் வேதாந்த சங்கத்தின் வரலாறு 19 ஆம் நூற்றாண்டின் இறுதியில் தொடங்குகிறது. 1893 ஆம் ஆண்டு சிகாகோ உலக கண்காட்சியில் கலந்து கொண்ட பிறகு, சுவாமி விவேகானந்தஜி சான் பிரான்சிஸ்கோவிற்கு பயணம் செய்தார், அங்கு அவர் ஒரு குறிப்பிடத்தக்க மாணவர் குழுவைச் சேகரித்தார். சான் பிரான்சிஸ்கோவின் வேதாந்த சங்கம் 1900 ஆம் ஆண்டு நிறுவப்பட்டது.

இந்து தத்துவத்தின் ஆறு பள்ளிகளில் ஒன்றான வேதாந்தம், விவேகானந்தஜி மற்றும் சுவாமி திரிகுணாதிதானந்தா உள்ளிட்ட ராமகிருஷ்ணரின் இந்து சீடர்களால் அமெரிக்காவிற்கு கொண்டு வரப்பட்டது.

விவேகானந்தஜியின் அழைப்பின் பேரில், திரிகுணாதிதானந்தா ஜனவரி 2, 1903 அன்று சான் பிரான்சிஸ்கோவிற்கு வந்தார். உள்ளூர் வேதாந்த சங்கத்தில் வகுப்புகள் மற்றும் விரிவுரைகளை அவர் மேற்பார்வையிட்டார். அங்கு அவர்கள் பயன்படுத்தி வந்த சிறிய இடம் செயல்பாடுகளுக்குப் போதிமானதாக இல்லாததால், வெப்ஸ்டர் மற்றும் ஃபில்பர்ட் வீதிகளின் சந்திப்பில் சங்கத்திற்காக ஒரு புதிய வீட்டைக் கட்டினர்.

கட்டிடத்தின் முதல் இரண்டு தளங்கள் ஆகஸ்ட் 1905 இல் கட்டி முடிக்கப்பட்டன, மேலும் கட்டிடம் அலுவலகம் மற்றும் கற்பித்தல் இடமாகவும், சுவாமிகள் மற்றும் அவர்களின் உதவியாளர்களுக்கான குடியிருப்புகளாகவும் செயல்பட்டது. கோயில் அதிகாரப்பூர்வமாக 1906 ஜனவரியில் அர்ப்பணிக்கப்பட்டது. 1908 ஆம் ஆண்டில், ஒரு பால்கனி மற்றும் பிரதான கோபுரங்களை உள்ளடக்கிய ஒரு கூடுதல் தளம் கட்டப்பட்டது.

வேதாந்த சங்கம் கட்டிடக்கலை ரீதியாக ஒரு இந்து கோயில், ஒரு கிறிஸ்தவ தேவாலயம், ஒரு முகமதிய மசூதி, ஒரு இந்து மடாலயம் மற்றும் ஒரு அமெரிக்க குடியிருப்பு ஆகியவற்றின் கலவையாகக் காணப்பட்டது. அதன் வெங்காய குவிமாட கோபுரங்கள் பெரும்பாலும் ரஷ்ய பாணியில் அமைந்திருந்தது. இந்திய, முகலாய மற்றும் மேற்கத்திய கட்டிடக்கலை பாணிகளில் உள்ள அதன் கோபுரங்கள், அனைத்து மதங்களின் நல்லிணக்கத்தையும், கூர்மையான வளைவுகள் மற்றும் குவிமாடங்களையும் ஆன்மீகத் தேடலின் மேல்நோக்கிய விருப்பத்தையும் குறிக்கும் நோக்கம் கொண்டவை.

சுவாமி திரிகுணதிதானந்தா மற்றும் கட்டிடக் கலைஞர் ஜோசப் ஏ. லியோனார்ட் ஆகியோரால் வடிவமைக்கப்பட்டது. ஏப்ரல் 1906 இல் நடந்த சான் பிரான்சிஸ்கோ பூகம்பம் மற்றும் தீ விபத்தில் இந்தக் கோயில் தப்பிப்பிழைத்தது.

1959 இல் வல்லேஜோ தெருவில் ஒரு புதிய கோயில் கட்டப்படும் வரை இது உள்ளூர் வேதாந்த சமூகத்திற்கு சேவை செய்தது. பழைய கோயில் இப்போது ஒரு தங்குமிடமாகவும் வகுப்பறை இடமாகவும் பயன்படுத்தப்படுகிறது.