* தொடக்கத்தில் கறையான் சிறியதாகவே தோன்றும். சிறுகச் சிறுக அவை பெருகி, நாளடைவில் மரக்கட்டை முழுவதுமே செல்லரித்துப் போகச் செய்துவிடும். அதுபோல, தீயகுணங்கள் சிறிதாகத் தான் ஆரம்பத்தில் இருக்கும். முடிவில் ஒருவனை முழுவதுமாக அழித்துவிடும்.

*வாழ்வில் கஷ்ட நஷ்டங்கள் வருவது இயற்கையே. அதையே சிந்திக்காமல், கவலையை வீசி எறிந்துவிட்டு ஆக்கப்பூர்வமான முயற்சிகளில் ஈடுபடுங்கள்.

* சின்னஞ்சிறிய எறும்பு கூட சர்க்கரை இருக்கும் இடத்திற்கு கூட்டமாக வந்து உண்ணுகிறது. ஆனால், மனிதனுக்கு அந்த பெருந்தன்மையோ, ஒற்றுமை உணர்வோ இருப்பதில்லை. தாராள மனப்பான்மையை எறும்பிடம் கற்றுக் கொள்ள வேண்டும்.

* சந்தனக் கட்டையை எரித்துக் கரியாக்குபவன் முட்டாள்.  மணமும்,குளிர்ச்சியும் சந்தனம் தருவதுபோல, சத்தியத்தை அறிவதற்காக கொடுக்கப்பட்ட உடல் இது. அதை அற்பசெயல்களுக்கு பயன்படுத்தக்கூடாது.

* கடவுள் எங்கும் நிறைந்திருக்கிறார் என்றாலும், எல்லோரும் இறைவனைக் காண வேண்டிய இடம் ஒன்று உண்டு. அது தான் நம்முடைய உள்ளம்.

-சாய்பாபா