செய்முறை:

 முதலில் கடாயில் 25 மி.லி., நல்லெண்ணெய் ஊற்றவும். எண்ணெய் சூடானதும், 5 காய்ந்த மிளகாய், ஒரு டீஸ்பூன் கடுகு போடவும்.

 கடுகு வெடித்தவுடன் கால் ஸ்பூன் வெந்தயம், கொஞ்சம் கறிவேப்பிலை, பத்து பல் பூண்டு, 15 சின்ன வெங்காயம் போட்டு வதக்கவும்.

 சின்ன வெங்காயம் நன்கு வதங்கிய பின், அதில் இரண்டு மீடியம் சைஸ் தக்காளியை நறுக்கி போடவும். பச்சை வாசனை போகும் வரை வதக்கவும்.

 அடுத்ததாக கால் ஸ்பூன் மஞ்சள் துாள், ஒரு டீஸ்பூன் பெருங்காய துாள், தேவையான அளவு உப்பு, இரண்டு டீஸ்பூன் சாம்பார் துாள், அரை ஸ்பூன் மிளகாய் துாளுடன் சேர்த்து கால் லிட்டர் தண்ணீர் ஊற்றி கொதிக்க விடுங்கள்.

 இரண்டு கொதி வந்த பின், எலுமிச்சை சைஸ் புளியை 200 மி.லி., தண்ணீரில் கரைக்கவும். அதை வாணலியில் ஊற்றி வாசனை போகும் வரை கொதிக்க விடுங்கள்.

 சுவையை அதிகரிக்க ஒரு ஸ்பூன் வெல்லம் சேர்த்து, மீண்டும் 250 மி.லி., தண்ணீர் ஊற்றுங்கள்.

 எட்டு நிமிடங்கள் நன்கு கொதிக்க வேண்டும். அடுத்ததாக பொறித்த அப்பளங்களை இரண்டாக உடைத்து குழம்பில் போட்டு, இரண்டு நிமிடங்களுக்கு மிதமான சூட்டில் கொதிக்க விடுங்கள்.

 இறுதியாக ஒரு டீஸ்பூன் வெந்தயத்தை தனியாக வறுத்து மிக்ஸியில் அரைத்து, குழம்பில் போட்டு அடுப்பில் இருந்து இறக்கி விடுங்கள். ஒரு மணி நேரம் அப்பளம் ஊற வேண்டும். அதன்பின் சாப்பிடலாம். அலாதி சுவையுடன் இருக்கும்

. - நமது நிருபர் -