மாதவிடாய் முடிந்த பின் எல்லா பெண்களுக்கும், கால்சியம் குறைபாடு வருவதால், 'வைட்டமின் - டி' குறைபாடு உள்ளது. 'லாக் டவுன்' காலத்தில் 'ஒர்க் பிரம் ஹோம்' என்று யாரும் வெளியில் போகாததால், வைட்டமின் - டி குறைபாடு அதிகரித்து உள்ளது. 10 பெண்களுக்கு பரிசோதனை செய்தால், ஏழு பேருக்கு குறைபாடு உள்ளது.

மிதமான குறைபாடு என்றால், காலை 11:00 மணிக்கு முன், 25 நிமிடங்கள் சூரிய ஒளி படும்படி இருந்தால் போதுமானது. 'மெனோபாஸ்' எனப்படும் மாதவிடாய் நின்ற பெண்களுக்கு, உலகம் முழுதிலும் எலும்புகள் பலவீனமாகும் பிரச்னை உள்ளது.

நம் நாட்டில், பிரச்னை வந்தால் மட்டுமே ஆலோசனைக்கு வருகின்றனர். வேலை கொடுத்தால் தான் எலும்புகள் பலம் பெறும்; நடந்தால் தான் கால் வலிமை பெறும்; உடற்பயிற்சி அவசியம்.

உடல் பருமன் என்பது கொரோனா போன்றே தொற்று நோய் ஆகிவிட்டது. உயரத்திற்கு ஏற்ற உடல் எடையுடன், 90 சதவீதத்தினர் இல்லை. இப்படியே விட்டால், இன்னும் எடை அதிகமாகி உடல் பருமன் ஆகி விடும். இதற்கும் உணவு கட்டுப்பாடு, உடற்பயிற்சி தான் முக்கியம்.

டாக்டர் திவ்யாம்பிகை,

மகளிர் நல மருத்துவர்,

சென்னை