ஆ. நான்சி, கேளம்பாக்கம்.

உடல் உழைப்பின்றி, வேலை செய்வதால் பெரிதும் பாதிக்கப்படுவது இதயம் தான். ஒரே இடத்தில் நாற்காலியை விட்டு நகராமல் வேலை செய்வதால், உடலில் சேரும் கொழுப்பு கரைவதில்லை. இதனால் இதயத்தைச் சுற்றி உருவாகும் கொழுப்பு அமிலங்கள், இதய நலனை சீர்குலைய செய்கின்றன. நீண்ட நேரம் உட்கார்ந்தே வேலை செய்யும் முறையானது, உடலில் ஹார்மோன் சமநிலையை கெடுக்கிறது. இதனால் நீரிழிவு நோய் ஏற்படும் அபாயம் இருக்கிறது. மேலும் இதேமுறை நீண்ட நாட்கள் தொடரும் பட்சத்தில், கணையத்தில் பாதிப்பு ஏற்படும் வாய்ப்புகள் அதிகம். ஒருநாளில் நாற்காலியில், எட்டு மணி நேரத்திற்கும் அதிகமாக உட்கார்ந்தே வேலை செய்வது, உங்கள் இடுப்பு எலும்பை வலுவிழக்க செய்யும். இடுப்பு வலியை உணர்ந்தால், உடனே மருத்துவரை அணுகி பரிசோதனை செய்து கொள்ளுங்கள். இல்லையேல் பின்னாட்களில் இது அபாயகரமான விளைவுகளை ஏற்படுத்தலாம்.



எ.ராஜ்குமார், பொது மருத்துவர், சென்னை.