எனக்கு, அதிகாலையில் எழுந்து விடும் பழக்கம். ஒரு நாள் கூட தவறாமல் உடற்பயிற்சி செய்வேன். அதிகாலை உடற்பயிற்சி தான், என் பிட்னெசிற்கு காரணம் என நம்புகிறேன்.

'டயட்'டைப் பொறுத்தவரை, நான் சைவ உணவு மட்டுமே சாப்பிடுவேன்; சிகரெட், மது பழக்கம் எப்போதும் கிடையாது. 'எனக்கு இது வேண்டும், உங்கள் படத்தில் நான் நடிக்கிறேன்' என எதையும், யாரிடமும் நானாகப் போய் கேட்டது இல்லை.

கிடைக்கும் வாய்ப்புகளை பயன்படுத்தி, ரசிகர்களை மகிழ்விப்பதே என் வேலை; அதை மட்டுமே தொடர்ந்து செய்வேன். 'நீங்கள் எப்படி இளமையாக இருக்கிறீர்கள்?' என்ற கேள்விக்கு மட்டும், என்னால் பதில் செல்ல முடிவதில்லை.

காரணம், நியாயமான கேள்வியாக தோன்றவில்லை; நான் இளமையாக இருப்பதாக உணரவில்லை; 48 வயதுக்கு ஏற்ற தோற்றதுடன் இருக்கிறேன்; மனதளவிலும், 48 வயதாகவே உணர்கிறேன்.

ஆர்.மாதவன், நடிகர்