உள்ளூர் செய்திகள்

அறிவிப்பு

ஆதிதிராவிடர் நலப் பள்ளி ஆசிரியர்களின் இணையவழி பொது மாறுதல் கலந்தாய்வு ஆக, 3ல் நடக்க உள்ளது. அன்றைய தினமே, நடுநிலைப்பள்ளி, ஆரம்பப்பள்ளி தலைமை ஆசிரியர் பதவிக்கும் கலந்தாய்வு நடக்கும். இத்துறை பள்ளிகளில் காலியாக உள்ள, பட்டதாரி ஆசிரியர், தமிழாசிரியர், இடைநிலை ஆசிரியர் பணியிடங்களுக்கு மாறுதல் பெற, ஆக., 4 கலந்தாய்வு நடக்க உள்ளது.____________இந்த ஆண்டு எம்.பி.பி.எஸ்., - பி.டி.எஸ்., வகுப்புகளை செப்., 1ம் தேதி துவங்க வேண்டும் என, தேசிய மருத்துவ ஆணையம் அறிவித்துள்ளது. அதற்கேற்ப அகில இந்திய கவுன்சிலிங் திட்ட அட்டவணை வெளியிட்டுள்ளது._____________ஆதிதிராவிடர் மற்றும் பழங்குடியினர் நலத்துறையின் கீழ் செயல்படும், மாணவர்கள் விடுதிகளை ஆய்வு செய்து, அதன் கட்டமைப்பு வசதிகள், சுகாதாரம், கல்விச் சூழல், உணவுத்தரம், பாதுகாப்பு போன்றவற்றை மறு சீரமைக்க, அரசுக்கு பரிந்துரை அளிக்க, மாவட்ட, மாநில அளவில் உயர்மட்டக் குழு அமைக்கப்பட்டுள்ளது._____________மாற்றுத்திறனாளிகள் நலனுக்காக, தேசிய அளவில் சிறப்பாக சேவை செய்தவர்கள் மற்றும் நிறுவனங்கள் தேர்வு செய்யப்பட்டு, உலக மாற்றுத்திறனாளிகள் தினமான டிச.,31ல் தேசிய விருதுகள் வழங்கப்படுகின்றன. தனிநபர் திறன் அடிப்படையில், 21 விருதுகள்; நிறுவனங்கள் அடிப்படையில் ஒன்பது விருதுகள் வழங்கப்பட உள்ளன. இவ்விருதுகளை பெற விரும்புவோர், விருது குறித்த விபரங்களை, www.disabilityaffairs.gov.in இணையதளத்தில் தெரிந்து கொள்ளலாம். விண்ணப்பிக்க வரும் 31ம் தேதி கடைசி நாள்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்