இன்றைய போட்டோ
மேலும் இன்றைய போட்டோ
பந்தலூர் பகுதியில் அந்திசாயும் வேளையில், ஆதவனின் செங்கதிர்கள் நீல வானத்தை சிவப்பு நிறமாக்கிய காட்சி பார்வையாளர்களை பரவசப்படுத்தியது.
04-12-2025 | 07:39
அமெரிக்காவின் வெள்ளை மாளிகையில், அதிபர் டொனால்டு டிரம்ப் தலைமையில் அமைச்சரவை கூட்டம் நடந்தது. அமைச்சர்கள் டிரம்பின் நிர்வாகத் திறமையை மாறி மாறி புகழ்ந்தனர். ஆனால் அதிபர் டிரம்போ, பல முறை தூங்கி தூங்கி விழுந்தார். அது தொடர்பான புகைப்படத்தை சமூக வலைதளத்தில் வெளியிட்டு எதிர்க்கட்சிகள் கிண்டலடித்து வருகின்றனர்.
04-12-2025 | 07:29
சென்னையில் பெய்து வரும் தொடர் மழை காரணமாக, திருமுல்லைவாயில், செந்தில் நகர், காமராஜர் தெருவில் உள்ள வீட்டுக்குள் மழை வெள்ளம் தேங்கி உள்ளது. இதனால் ஓடி விளையாட முடியாத பாப்பா, கட்டிலே கதி என்று அமர்ந்துள்ளது.
04-12-2025 | 07:17
திருவண்ணாமலை அருணாசலேஸ்வரர் கோவில் கார்த்திகை தீபத் திருவிழா விமரிசையாக நடைபெற்றது. மஹா தீபம் ஏற்றும் போது, கோவிலுக்குள் உண்ணாமுலையம்மன் சமேத அண்ணாமலையார் சிறப்பு அலங்காரத்தில் எழுந்தருளி பக்தர்களுக்கு அருள்பாலித்தார்.
04-12-2025 | 07:12
டிட்வா புயலால் வங்கக்கடலில் மீன்பிடிக்கச் செல்ல மீன்வளத்துறையினர் பாம்பன் மீனவர்களுக்கு தடை விதித்திருந்தனர். தற்போது மழை குறைந்த நிலையில் கடலுக்கு சென்ற மீனவர்கள் வலையில் சிக்கிய மீன்களுக்கு உரிய விலை கிடைக்காததால் கவலை அடைந்தனர்.
04-12-2025 | 06:59
நீலகிரி மாவட்டம், குன்னூர் வெலிங்டன் ராணுவ பயிற்சி மையத்தில், பயிற்சியை நிறைவு செய்த அக்னி வீரர்கள் சத்திய பிரமாண உறுதிமொழியை எடுத்துக்கொண்டனர்.
04-12-2025 | 06:55