நாகசைதன்யாவுடனான படங்களை நீக்கிய சமந்தா
ADDED : 1492 days ago
தென்னிந்திய சினிமாவில் முன்னணி நடிகையாக இருக்கும் சமந்தா கடந்த 2018ல் தெலுங்கு நடிகர் நாகசைதன்யாவை திருமணம் செய்தார். திருமணத்துக்கு பின்னரும் தொடர்ந்து நடித்து வந்தவர் கவர்ச்சி படங்களையும் வெளியிட்டு வந்தார். கடந்த சில மாதங்களாகவே சமந்தாவின் விவாகரத்து செய்தி பரவிய நிலையில் சில நாட்களுக்கு முன்னர் அதை உறுதி செய்தனர்.
இந்நிலையில் தற்போது சமந்தா தனது இன்ஸ்டாகிராம் பக்கத்தில் நாகசைதன்யா உடன் இருந்த புகைப்படங்கள் அனைத்தையும் நீக்கியுள்ளார்.
நாகசைதன்யா உடனான தனது செல்லப் பிராணி இருக்கும் புகைப்படம் உள்ளிட்ட சில படங்களை மட்டும் சமந்தா நீக்கவில்லை. அது செல்லப்பிராணிகள் தினத்தன்று வெளியிட்ட புகைப்படம். இதன்மூலம் சமந்தா நாகசைதன்யாவை தன் வாழ்வில் இருந்து முழுமையாக நீக்க முடிவெடுத்திருப்பதாகத் தெரிகிறது.