மீண்டும் இரட்டை வேடத்தில் சூர்யா

அஜித் நடித்த விஸ்வாசம் படத்தை அடுத்து சூர்யா நடிக்கும் படத்தை தான் இயக்க இருந்தார் சிவா. ஆனால் எதிர்பாராதவிதமாக ரஜினி படத்தை இயக்கும் வாய்ப்பு கிடைத்ததால் சூர்யா படத்தை தள்ளிவைத்து விட்டு ரஜினியின் அண்ணாத்த படத்தை இயக்கினார். தற்போது அப்படம் திரைக்கு வந்துள்ள நிலையில், அடுத்தபடியாக விஜய் படத்தை சிவா இயக்குவது போன்ற செய்திகள் வெளியாகின. ஆனால் சூர்யா நடிக்கும் படத்தைதான் அவர் அடுத்தபடியாக இயக்கப்போவதாக தற்போது புதிய செய்திகள் வெளியாகியுள்ளன. ஏற்கனவே சூர்யாவிடத்தில் சொல்லி ஓகே பண்ணி வைத்திருந்த அதே கதையை இயக்கப்போகிறாராம் சிவா.

இதற்கு முன்பு பேரழகன், வேல், வாரணம் ஆயிரம், மாற்றான் போன்ற படங்களில் சூர்யா இரட்டை வேடங்களில் நடித்துள்ளார். இப்போது சிவா இயக்கும் படத்திலும் இரட்டை வேடத்தில் நடிக்கப்போகிறார் என தகவல் வெளியாகி உள்ளது.