சிவகார்த்திகேயன் - தமன் புதிய கூட்டணி

தமிழ் சினிமாவில் முன்னணி நடிகர்களில் ஒருவராக இருக்கும் சிவகார்த்திகேயன் இதுவரையில் இசையமைப்பாளர்கள் அனிருத், இமான் ஆகியோருடன்தான் அதிகமாகக் கூட்டணி சேர்ந்துள்ளார். மற்ற இசையமைப்பாளர்களுடன் ஒரு சில படங்களில் மட்டுமே இணைந்துள்ளார். தற்போது சிவா நடித்து வரும் 'டான்' படத்திற்கு அனிருத் தான் இசையமைப்பாளர்.

சிவகார்த்திகேயனின் 21வது படத்திற்கு தமன் தான் இசையமைக்க உள்ளார். இன்று தனது பிறந்தநாளைக் கொண்டாடி வரும் தமனுக்கு தமிழ், தெலுங்கு பிரபலங்கள் பலரும் வாழ்த்து தெரிவித்து வருகிறார்கள்.

தமனுக்கு சிவகார்த்திகேயன் தெரிவித்துள்ள வாழ்த்தில், “இனிய பிறந்நதாள் வாழ்த்துகள் தமன் ப்ரோ, 'புட்ட பொம்மா' போல மேலும் பல ஹிட்களைக் கொடுக்க வாழ்த்துகள்,” என்று குறிப்பிட்டுள்ளார். அதற்கு தமன், “பிரதர் சிவகார்த்திகேயன், உங்கள் அன்புக்கு நன்றி, பின்றோம், தட்றோம், தூக்கறோம், எஸ்கே 21” என பதிலளித்துள்ளார்.

சிவகார்த்திகேயனின் 21வது படத்தை 'ஜதி ரத்னலு' தெலுங்குப் படத்தை இயக்கிய அனுதீப் இயக்க உள்ளதாக ஏற்கெனவே தகவல் வெளியாகி உள்ளது. இப்படத்தை தமிழ், தெலுங்கில் தயாரிக்கப் போகிறார்களாம்.