அமீர்கானின் லால் சிங் சத்தா வெளியீடு மீண்டும் தள்ளிவைப்பு

ஹிந்தியில் அமீர்கான் தயாரித்து நடித்து வரும் பிரமாண்ட படம் லால் சிங் சத்தா. இந்தப் படத்தில் அமீர்கான் ராணுவ வீரராக நடிக்கிறார். பாலா என்ற ஆந்திர இளைஞராக இப்படத்தின் மூலம் பாலிவுட்டில் அறிமுகமாகிறார் நாக சைதன்யா. அவர்கள் இருவருக்குமே படத்தில் ராணுவ வீரர்கள் வேடம்தான். ஹாலிவுட்டில் வெளியான பாரஸ்ட் கம்ப் என்ற படத்தின் அதிகாரபூர்வமாக ஹிந்தி ரீமேக் ஆகும். அத்வைத் சந்தன் இயக்கியுள்ள இந்த படத்தில் கரீனா கபூர் நாயகியாக நடித்திருக்கிறார்.

இந்த படத்தின் ரிலீஸ் தேதியை டிசம்பரில் அறிவித்திருந்த அமீன்கான், கொரோனா தொற்று காரணமாக படப்பிடிப்பு தாமதமாகி வந்ததால் 2022 பிப்ரவரி காதலர் தினத்தின்போது வெளியிடப் போவதாக அறிவித்திருந்தார். ஆனால் படத்தின் இறுதிகட்ட பணிகள் நடைபெறுவதில் மீண்டும் தாமதம் ஏற்பட்டதால் தற்போது ரிலீஸ் தேதியை மீண்டும் மாற்றுவதற்கு முடிவு செய்திருக்கிறார் அமீர்கான். அதன் காரணமாகவே படத்தின் புரமோஷன் பணிகளை தொடங்காமல் நிறுத்தி வைத்திருப்பதாகவும் கூறப்படுகிறது.