டான்ஸ் மாஸ்டர் சிவசங்கர் சிகிச்சைக்கு உதவிய சிரஞ்சீவி

பிரபல டான்ஸ் மாஸ்டர் சிவசங்கர் கொரோனா தொற்றினால் பாதிக்கப்பட்டு ஐதராபாத் மருத்துவமனை ஒன்றில் தீவிர சிகிச்சையில் அனுமதிக்கப்பட்டுள்ளார். அவரது நுரையீரலில் 75 சதவிகிதம் வைரஸ் தொற்று பாதிக்கப்பட்டிருக்கிறது. அதோடு அவரது மகனும் கொரோனா தொற்று பாதிப்பினால் சிகிச்சை எடுத்து வருகிறார்.

இந்தநிலையில் சிவசங்கரின் மருத்துவ சிகிச்சைக்கு உதவி கேட்டு இருந்தார் அவரது இளைய மகன். அதையடுத்து நடிகர் தனுஷ், பாலிவுட் நடிகர் சோனு சூட் போன்றவர்கள் உடனடியாக மருத்துவ உதவி அளித்தனர். இந்த நிலையில் இந்த தகவலை அறிந்த தெலுங்கு நடிகர் சிரஞ்சீவியும் ரூ. 3 லட்சத்திற்கான காசோலையை வழங்கி உதவி செய்திருக்கிறார். சிரஞ்சீவி நடித்த பல படங்களுக்கு சிவசங்கர் நடனம் அமைத்துள்ளார்.