ஜெயம் ரவியின் 30வது படத்தை இயக்கும் ராஜேஷ்

மணிரத்னம் இயக்கத்தில் பொன்னியின் செல்வன் படத்தில் நடித்துள்ள ஜெயம் ரவி அடுத்து ஏற்கனவே தன்னை வைத்து பூலோகம் படத்தை இயக்கிய கல்யாண் இயக்கும் படத்தில் தற்போது நடித்து வருகிறார். இந்த படத்திற்காக தாடி வைத்த கெட்டப்புக்கு மாறி இருக்கிறார் ஜெயம் ரவி. அதையடுத்து சிவா மனசுல சக்தி, பாஸ் என்ற பாஸ்கரன், ஒரு கல் ஒரு கண்ணாடி என பல படங்களை இயக்கிய ராஜேஷ் இயக்கும் படத்தில் ஜெயம் ரவி நடிக்கப் போகிறார். இது அவரது 30வது படமாகும். பெரும்பாலும் காதல் கலந்த காமெடி படங்களாக இயக்கி வந்துள்ள ராஜேஷ், ஜெயம் ரவி நடிக்கும் இந்தப்படத்தை குடும்ப கதையாக இயக்கப்போகிறார். 2022ம் ஆண்டு மார்ச் மாதத்திற்குப் பிறகு இந்தப் படத்தின் படப்பிடிப்பு தொடங்க உள்ளது.