தெலுங்கு காமெடி படத்தில் சாய் தன்ஷிகா

கடைசியாக லாபம் படத்தில் சிறிய கேரக்டரில் நடித்த சாய் தன்ஷிகா இப்போது யோகிடா என்ற தமிழ் படத்திலும், ஷிகாரு என்ற தெலுங்கு படத்திலும் நடித்து வருகிறார். ஷிகாரு படத்தை ஹரி குல்கனி இயக்குகிறார். முழுநீள நகைச்சுவை படமான இது வருகிற ஜனவரி 26ம் தேதி வெளிவருகிறது.

இதுகுறித்து தன்ஷிகா கூறியிருப்பதாவது: இது காமெடி படம் என்றாலும் சமூகத்துக்கு நல்ல மெசேஜ் சொல்லும் படம். இதில் நான் தேவிகா என்ற கேரக்டரில் நடிக்கிறேன். சாதாரண பெண்ணான தேவிகா சமூக தடைகளை எப்படி உடைத்து முன்னேறுகிறாள் என்பதுதான் படத்தின் கதை. இதன் படப்பிடிப்பு ஐதராபாத்தில் நடந்தபோது அங்கு இன்னொரு தளத்தில் ரஜினி சார் நடித்த படத்தின் படப்பிடிப்பு நடந்தது. அப்போது அவரை சந்தித்து ஆசியும், வாழ்த்தும் பெற்றேன். என்றார்.