ரகுல் ப்ரீத்தி சிங்கின் சத்ரவாலி படப்பிடிப்பு நிறைவு

பிசியான பாலிவுட் நடிகை ஆகிவிட்டார் ரகுல் ப்ரீத்தி சிங். தமிழ் சினிமாவில் சிறிய பட்ஜெட் படங்களில் நடித்துக் கொண்டிருந்தவர் தெலுங்கில் பெரிய படங்களில் நடித்து முன்னணி நடிகை ஆனார். இப்போது பாலிவுட் நடிகை. தமிழில் சிவகார்த்திகேயன் நடிக்கும் அயலான் படத்தில் நடித்துள்ளார். கமல் நடிக்கும் இந்தியன் 2 படத்திலும் நடித்து வருகிறார்.

இந்தியில் அட்டாக், டாக்டர்ஜி, மிஷன் சிண்ட்ரல்லா, படங்களில் நடித்து முடித்துள்ளார். இவை அடுத்தடுத்து வெளிவர இருக்கிறது. இதுதவிர ரன்வே 34, தேங்காட், சத்ரிவலி படங்களில் நடித்து வந்தார். இதில் சத்ரிவாலி தற்போது முடிந்துள்ளது. இந்த படத்தில் ரகுல் பிரித் சிங் காண்டம் டெஸ்டர் ஆக நடிக்கிறார். வேலை இல்லாத பெண் ஒருவர் காண்டம் டெஸ்டர் வேலையில் சேர்ந்து அந்த பணியை அவர் எப்படி சவாலுடன் செய்கிறார் என்பதுதான் இந்த படத்தின் கதை. முழுக்க முழுக்க காமெடி படமாக உருவாகி உள்ளது. தேஜாஸ் தியோஸ்கர் இயக்கி உள்ளார்.