சசி படத்தின் டீசர் மூலம் கவுதம் மேனனுக்கு கிடைத்த கதாநாயகி

தற்போது சிம்புவை வைத்து வெந்து தணிந்தது காடு என்கிற படத்தை இயக்கி வருகிறார் கவுதம் மேனன். இந்தப்படத்தில் சிம்புவுக்கு ஜோடியாக மும்பையை சேர்ந்த சித்தி இத்னானி என்பவர் நடித்து வருகிறார். சமீபத்தில் தான் அதுபற்றிய அதிகாரப்பூர்வ அறிவிப்பு வெளியானது. தெலுங்கில் சில படங்களில் இவர் நடித்திருந்தாலும் கவுதம் மேனன் படம் மூலமாக தான் இவர் தமிழுக்கு அறிமுகமாகிறார் என சொல்லப்பட்டது.

ஆனால் இந்தப்படத்தில் நடிப்பதற்கு முன்னதாகவே அவர் சசி இயக்கத்தில் உருவாகியுள்ள படத்தில் ஹரிஷ் கல்யாணுக்கு ஜோடியாக நடித்து முடித்து விட்டார். தனது படத்தின் டீசரை கவுதம் மேனன் பார்க்க விரும்பியதால் அவருக்கு அனுப்பி வைத்துள்ளார் சசி. அதில் கதாநாயகியாக நடித்திருந்த சித்தி இத்னானியை பார்த்ததும் இவர்தான் தனது படத்தின் நாயகி என முடிவு செய்தாராம் கவுதம் மேனன். தங்களது படப்பிடிப்பும் முடிவடைந்து விட்டதால் தாரளாமாக உங்கள் படத்தில் அவரை பயன்படுத்தி கொள்ளுங்கள்.. எங்களுக்கு ஒன்றும் பிரச்சனை என சசியும் கிரீன் சிக்னல் காட்டிவிட்டாராம்.