பொங்கலுக்கு சூர்யாவின் எதற்கும் துணிந்தவன் டிரைலர் வெளியாகிறது

ஜெய்பீம் படத்தை அடுத்து பாண்டிராஜ் இயக்கத்தில் சூர்யா நடித்துள்ள படம் எதற்கும் துணிந்தவன். சத்யராஜ், பிரியங்கா மோகன், சரண்யா, சூரி உள்பட பலர் நடித்துள்ள இந்த படத்திற்கு டி.இமான் இசையமைத்துள்ளார். கிராமத்து கதையில் உருவாகியுள்ள எதற்கும் துணிந்தவன் படம் ஆக்ஷன் கலந்த கதையில் உருவாகி இருக்கிறது. இந்த படத்தின் பர்ஸ்ட் லுக் மற்றும் பாடல்கள் வெளியாகி சூர்யா ரசிகர்கள் மத்தியில் வரவேற்பை பெற்றுள்ள நிலையில் இப்படம் வருகிற பிப்ரவரி 4ம் தேதி வெளியாக இருப்பதாக அறிவிக்கப்பட்டுள்ளது. இந்த நிலையில் பொங்கல் பண்டிகையை ஒட்டி எதற்கும் துணிந்தவன் படத்தின் டிரைலர் வெளியாக இருப்பதாக தற்போது தகவல் வெளியாகி இருக்கிறது.