குடும்ப பாசத்தை சொல்லும் 'தேள்'

ஸ்டூடியோ கிரீன் சார்பில் ஞானவேல்ராஜா தயாரித்துள்ள படம் தேள். பிரபு தேவா, சம்யுக்தா ஹெக்டே முதன்மை பாத்திரங்களில் நடித்துள்ளனர். இவர்களுடன் ஈஸ்வரி ராவ், யோகிபாபு உள்பட பலர் நடித்துள்ளனர். சத்யா இசை அமைத்துள்ளார் விக்னேஷ் வாசு ஒளிப்பதிவு செய்துள்ளார். படம் பற்றி இயக்குனர் ஹரிகுமார் கூறியதாவது:
இது குடும்ப பாசத்தை சொல்லும் படம். அதனால் பொங்கல் பண்டிகை அன்று வெளியாவது பொருத்தமானது. ஒரு விழாக்கால கொண்டாட்டமாக, குடும்ப உறவுகள், , நகைச்சுவை, ஆக்ஷன் நல்ல இசை மற்றும் சிறந்த பொழுதுபோக்கு அம்சங்களுடன் கூடிய படமாக உருவாகி உள்ளது. குடும்ப பார்வையாளர்களுக்கு ஒரு மகிழ்ச்சிகரமான விருந்தாக இருக்கும். இவ்வாறு கூறினார்.