விஜய்யின் பீஸ்ட் ரிலீஸ் எப்போது? புதிய தகவல் வெளியானது!

நெல்சன் இயக்கத்தில் விஜய். பூஜா ஹெக்டே, செல்வராகவன், யோகி பாபு, ரெடின் கிங்ஸ்லி, அபர்ணா தாஸ் உள்பட பலர் நடித்துள்ள படம் பீஸ்ட். அனிருத் இசையமைத்திருக்கும் இந்தப் படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகிறது. இதை அடுத்து தெலுங்கு இயக்குனர் வம்சி பைடிபள்ளி இயக்கும் படத்தில் நடிப்பதற்கு தயாராகி வருகிறார் விஜய்.

மேலும் விஜய்யின் பீஸ்ட் படம் எப்போது வெளியாகும் என்ற எதிர்பார்ப்பு ஏற்பட்டுள்ள நிலையில், இப்படத்தில் நடித்துள்ள ரெடின் கிங்ஸ்லி அளித்துள்ள ஒரு பேட்டியில், பீஸ்ட் படம் தமிழ் புத்தாண்டு தினத்தை ஒட்டி ஏப்ரல் 14ம் தேதி கணிப்பாக திரைக்கு வந்துவிடும் என்று தெரிவித்திருக்கிறார். அதேசமயம் கொரோனா தொற்றினால் ஒருவேளை தியேட்டர்கள் மூடப்பட்டால் இந்த ரிலீஸ் தேதியில் மாற்றம் இருக்கும். அப்படி இல்லை என்றால் ஏப்ரல் 14ம் தேதி பீஸ்ட் திரைக்கு வருவது உறுதி என்று அவர் தெரிவித்திருக்கிறார்.