மீண்டும் இணையும் சிம்பு - எஸ்ஜே சூர்யா

சமீபத்தில் வெளியான 'மாநாடு' திரைப்படம் மிகப் பெரிய வெற்றி பெற்றது. இந்த படத்தில் சிம்பு மற்றும் எஸ்ஜே சூர்யா ஆகிய இருவரின் நடிப்பும் பாராட்டை பெற்றது. இந்த நிலையில் சிம்பு மற்றும் எஸ்ஜே சூர்யா மீண்டும் ஒரு படத்தில் இணைய உள்ளதாக தகவல்கள் வெளியாகியுள்ளன.

மலையாளத்தில் 2019ம் ஆண்டு வெளிவந்து சூப்பர்ஹிட்டான டிரைவிங் லைசன்ஸ் படத்தின் தமிழ் ரீமேக்கில் இருவரும் நடிக்கவிருப்பதாக கூறப்படுகிறது. பிரித்விராஜ் மற்றும் சூரஜ் நடிப்பில் வெளியான இப்படத்தை லால் இயக்கியிருந்தார். இதைத்தொடர்ந்து இப்படத்தை தமிழில் வாலு, ஸ்கெட்ச் ஆகிய படங்களை இயக்கிய விஜய் சந்தர் இயக்கவுள்ளார். பிரித்விராஜ் கதாபாத்திரத்தில் சிம்புவும், சூரஜ் கதாபாத்திரத்தில் எஸ்ஜே சூர்யாவும் நடிக்க உள்ளனர்.