மகனுக்காக காமெடி படம் இயக்கும் தங்கர் பச்சான்

இயக்குநர் தங்கர்பச்சான் இயக்கத்தில் அவரது மகன் கதை விஜித் பச்சான் நாயகனாக நடிக்கும் படம் தக்கு முக்கு திக்கு தாளம். முதல் முறையாக தனது பாணியில் இருந்து மாறுபட்டு சென்னை நகரத்தை மையமாக கொண்ட, முற்றிலும் மாறுபட்ட முழு பொழுதுபோக்கு அம்சங்கள் நிறைந்த நகைச்சுவைப் படமாக இப்படத்தை இயக்குகிறார்.

இந்த படத்தில் நாயகனுக்கு இணையான முற்றிலும் மாறுபட்ட கதாபாத்திரத்தில் முனீஸ்காந்த் நடிக்கிறார். அவர்களுடன் மிலனா நாகராஜ், அஸ்வினி என இரண்டு கதாநாயகிகள் நடிக்கிறார்கள். மன்சூர் அலிகான், ஸ்டன்ட் சில்வா மற்றும் யோகிராம் ஆகியோர் வில்லன்களாக நடிக்கிறார்கள். பிரபு தயாளன் ஒளிப்பதிவு செய்கிறார். பொதுவாக சீரியசான படங்களை இயக்கும் தங்கர் பச்சான் மகனுக்காக காமெடி படத்தை இயக்குகிறார்.