ஆர்யா படத்தில் நடிக்கும் மம்முட்டி?

நடிகர் ஆர்யா தற்போது சக்தி சவுந்தர்ராஜன் இயக்கத்தில் 'கேப்டன்' படத்தில் நடித்து முடித்துள்ளார். இதையடுத்து 'மகாமுனி' படத்தின் இயக்குனர் சாந்தகுமார் இயக்கத்தில் புதிய படத்தில் நடிக்க இருக்கிறார். இந்நிலையில் ஆர்யாவின் அடுத்த படத்தை இயக்குனர் முத்தையா இயக்க இருக்கிறார். முத்தையா இயக்கத்தில் உருவாகியுள்ள விருமன் படம் செப்டம்பர் மாதம் வெளியாக இருக்கிறது. விருமன் படத்திற்கு பிறகு முத்தையா இயக்கும் படத்தில் ஆர்யா உடன் மலையாள நடிகர் மம்முட்டி முக்கிய வேடத்தில் நடிக்க இருப்பதாக கூறப்படுகிறது . இதற்கான பேச்சுவார்த்தை தற்போது நடைபெற்று வருகிறது .