வெற்றிமாறனின் விடுதலை படத்தில் ரஜினி - கமல்!

வெற்றிமாறன் இயக்கத்தில் விஜய் சேதுபதி, சூரி உள்பட பலரது நடிப்பில் இரண்டு பாகங்களாக உருவாகி வரும் படம் விடுதலை. சமீபத்தில் இந்த படத்தின் பர்ஸ்ட் லுக் போஸ்டர் வெளியானது. இதில் சூரி போலீசாகவும், விஜய் சேதுபதி கைதியாகவும் தோன்றும் காட்சி இடம்பெற்றது. மேலும் இதுவரை விடுதலை படத்திற்கு 40 கோடி வரை செலவு செய்திருப்பதாக கூறப்படும் நிலையில் இந்த படத்தின் பட்ஜெட் இன்னும் பெரிய அளவில் அதிகரிக்கும் என்றும் கூறப்படுகிறது. இதன் காரணமாகவே விடுதலை படத்தை இரண்டு பாகங்களாக வெளியிடப் போகிறார்கள். மேலும் இளையராஜா இசையமைக்கும் இந்த படத்திற்காக முதல் முறையாக அவரது இசையில் தனுஷ் ஒரு பாடல் பின்னணி பாடி இருக்கிறார். அவரை தொடர்ந்து ரஜினி, கமல் ஆகிய இருவரும் இணைந்து ஒரு பாடல் பின்னணி பாடி இருப்பதாக தற்போது புதிய தகவல் ஒன்று வெளியாகி இருக்கிறது. இது குறித்த தகவலை விரைவில் படக்குழு வெளியிடும் என்றும் கூறப்படுகிறது. இதன் காரணமாக விடுதலை படத்திற்கான எதிர்பார்ப்பு மேலும் அதிகரிக்க தொடங்கி இருக்கிறது.