எதிர்பார்ப்புகள் உள்ளன நிறைவேற்றுங்க... - உதயநிதிக்கு கமல் வாழ்த்து

நடிகரும், தயாரிப்பாளரும், சேப்பாக்கம் - திருவல்லிக்கேணி தொகுதி எம்எல்ஏ.,வுமான உதயநிதி - இளைஞர் நலன் மற்றும் விளையாட்டு மேம்பாட்டுத்துறை அமைச்சராக இன்று (டிச., 14) சுப முகூர்த்த நாளில் நல்ல நேரமான காலை 9:30 மணிக்கு பதவியேற்றுக் கொண்டார். அவருக்கு திரையுலகினரும், அரசியல் பிரபலங்கள் பலரும் வாழ்த்து தெரிவித்துள்ளனர்.

கமல் வாழ்த்து
நடிகரும், மக்கள் நீதி மையம் தலைவருமான கமல்ஹாசன் வெளியிட்ட வாழ்த்து செய்தியில், ‛‛வாழ்த்துகிறேன் தம்பி உதயநிதி ஸ்டாலின். அமைச்சர் ஆகியிருக்கிறீர்கள். அதைப் பதவியென எண்ணாமல், பொறுப்பென்று ஏற்பீர்கள் எனவும், மூன்று தலைமுறை அனுபவமும் உங்களுக்கு உதவும் எனவும் நம்புகிறேன். எதிர்பார்ப்புகள் உள்ளன. நிறைவேற்றுவதில் உங்கள் வெற்றி உள்ளது'' என தெரிவித்துள்ளார்.

ரஜினி வாழ்த்து
நடிகர் ரஜினிகாந்த் வெளியிட்ட வாழ்த்து செய்தியில், ‛‛தமிழக அமைச்சராகப் பதவியேற்றிருக்கும் அன்புத் தம்பி உதயநிதி ஸ்டாலின் அவர்களுக்கு என்னுடைய மனமார்ந்த வாழ்த்துகள்'' என தெரிவித்துள்ளார்.