நாயகன் ஆன வில்லன்

வில்லன் நடிகர் ஹரிஷ் உத்தமன் மற்றும் ஷீலா ராஜ்குமார் நாயகன், நாயகியாக நடிக்கும் படம் நூடுல்ஸ். மதன் தக்ஷிணாமூர்த்தி இந்தப் படத்தை எழுதி இயக்கியதோடு படத்தில் முக்கிய கதாபாத்திரத்தில் நடித்துள்ளார். அருவி படப்புகழ் திருநாவுக்கரசு, வசந்த் மாரிமுத்து மற்றும் பலர் இந்தப் படத்தில் நடித்துள்ளனர். வேல்ராஜ் ஒளிப்பதிவு செய்துள்ளார், ராபர்ட் சற்குணம் இசை அமைத்துள்ளார். ரோலிங் சவுண்ட் பிக்சர்ஸ் சார்பில் பிரக்னா அருண் பிரகாஷ் இந்தப் படத்தைத் தயாரிக்கிறார். பாண்டிய நாடு, மீகாமன், யாகாவாராயினும் நாகாக்க, தனி ஒருவன், பாயும்புலி, தொடரி, றெக்க, பைரவா, கைதி, விக்ரம் உள்ளிட்ட பல படங்களிலும், சுழல் வெப் தொடரிலும் வில்லனாக நடித்த ஹரிஷ் உத்தமன் இந்த படத்தில் கதையின் நாயகனாக நடித்துள்ளார்.