ஒரு நாளைக்கு பத்து லட்சம் சம்பளம் கேட்கும் மிஷ்கின்!

அஞ்சாதே, யுத்தம் செய், பிசாசு, துப்பறிவாளன் என பல படங்களை இயக்கியவர் மிஷ்கின். தற்போது பிசாசு- 2 படத்தை இயக்கி இருக்கிறார். இந்த படம் விரைவில் திரைக்கு வர உள்ளது. மேலும் ஏற்கனவே நந்தலாலா, சவரக்கத்தி போன்ற படங்களில் நடித்துள்ள மிஷ்கின், தற்போது சிவகார்த்திகேயன் நடித்து வரும் மாவீரன் மற்றும் விஜய்யின் லியோ போன்ற படங்களிலும் வில்லனாக நடித்து வருகிறார். இதையடுத்து அவரைத் தேடி வில்லன் வாய்ப்புகள் படை எடுத்துக் கொண்டிருப்பதால் அடுத்தபடியாக முழுநேர நடிகராவதற்கு திட்டமிட்டுள்ளார் மிஷ்கின். அதுமட்டுமின்றி தன்னிடம் கால்சீட் கேட்டு வருபவர்களிடத்தில், ஒரு நாளைக்கு தனக்கு 10 லட்சம் ரூபாய் சம்பளம் தர வேண்டும் என்றும் சொல்லி பலத்த அதிர்ச்சி கொடுத்து வருகிறார் மிஷ்கின்.