ரிலீசுக்கு தயாராகும் ஐஸ்வர்யா ராஜேஷின் சொப்பன சுந்தரி

ஐஸ்வர்யா ராஜேஷ் நடிப்பில் டிரைவர் ஜமுனா, தி கிரேட் இந்தியன் கிச்சன், ரன் பேபி ரன் என்ற மூன்று படங்கள் அடுத்தடுத்து திரைக்கு வந்த நிலையில், அடுத்தபடியாக லாக்கப் படத்தை இயக்கிய சார்லஸ் இயக்கத்தில் அவர் நடித்துள்ள சொப்பன சுந்தரி படம் திரைக்கு வர தயாராகிக் கொண்டிருக்கிறது. கதாநாயகிக்கு முக்கியத்துவம் உள்ள இந்த சொப்பன சுந்தரி படம் திரில்லர் மற்றும் காமெடி கலந்த கதையில் உருவாகி இருக்கிறது.

இப்படத்தில் ஐஸ்வர்யா ராஜேஷ் உடன் லட்சுமி பிரியா, சந்திர மவுலி, ரெடின் கிங்ஸ்லி, கருணாகரன், மைம் கோபி உள்ளிட்டோர் முக்கிய வேடங்களில் நடித்திருக்கிறார்கள். இப்படத்தை மார்ச் மாதம் வெளியிட திட்டமிட்டுள்ளார்கள். விரைவில் இப்படத்தின் ரிலீஸ் தேதி அறிவிக்கப்பட உள்ளது. இது தவிர மோகன்தாஸ், தீயவர் கொலைகள் நடுங்க, பர்ஹானா என பல படங்களில் நடித்து வருகிறார் ஐஸ்வர்யா ராஜேஷ்.