வந்தாச்சு ‛சிசிஎல்' கிரிக்கெட் - 8 மாநில திரைத்துறையினர் பங்கேற்பு

இந்திய திரைநட்சத்திரங்கள் விளையாடும் செலிபிரிட்டி கிரிக்கெட் லீக்(சிசிஎல்) தொடர் பிப்., 18ல் துவங்குகிறது. இதில் சென்னை ரைனோஸ், மும்பை ஹீரோஸ், தெலுங்கு வாரியர்ஸ், போஜ்புரி தபாங்ஸ், கேரளா ஸ்டிரைக்கர்ஸ், பெங்கால் டைகர்ஸ், கர்நாடகா புல்டோசர்ஸ், பஞ்சாப் தி ஷேர் ஆகிய 8 அணிகள் மோதுகின்றன. இதன் கேப்டன்களாக ஜீவா, ரித்தேஷ் தேஷ்முக், அகில், மனோஜ் திவாரி, குஞ்சாக்கோ போபன், ஜிசுசென் குப்தா, சுதீப், சோனு சூட் ஆகியோர் உள்ளனர்.

ராய்ப்பூர், பெங்களூர், ஐதராபாத், ஜோத்பூர், திருவனந்தபுரம் மற்றும் ஜெய்ப்பூர் உள்ளிட்ட 6 நகரங்களில் 19 ஆட்டங்களை நடக்க உள்ளன. இப்போட்டிகள் 7 வெவ்வேறு ZEE டிவி நெட்வொர்க்குகளில் நேரடியாகவும் பிரத்தியேகமாகவும் ஒளிபரப்பப்படும். Zee Anmol Cinema சேனல் அனைத்து 19 CCL கேம்களையும் ஒளிபரப்பவுள்ளது.

120க்கும் மேற்பட்ட திரையுலக பிரபலங்கள் இந்த விளையாட்டுப் போட்டியில் பங்கேற்பதால் இந்த போட்டிகள் ரசிகர்களுக்கு மிகப்பெரும் விருந்தாக அமையுமென எதிர்பார்க்கப்படுகிறது.