ஒரு வார்தையை சுற்றி நடக்கும் கதை

பிரஜின், வித்யா பிரதீப் நடிக்கும் படம் 'டி3'. பாலாஜி இயக்கும் இந்த படத்தை பிமாஸ் என்டர்டெயின்மெண்ட் சார்பில் மனோஜ் தயாரிக்கிறார். மணிகண்டன் ஒளிப்பதிவு செய்கிறார், ஸ்ரீஜித் எடவானா இசை அமைக்கிறார். இந்த படத்தின் கதை ஒரு வார்த்தையை சுற்றி நிகழ்கிறது என்கிறார் இயக்குனர் பாலாஜி.

இதுகுறித்து அவர் மேலும் கூறியதாவது : எந்த குற்றச் செயலைச் செய்பவனும் குற்றம் செய்த இடத்தில் ஏதாவது ஒரு தடயத்தை அவனை மீறி விட்டுச் செல்வான் என்பது பிரபஞ்ச உண்மை. அப்படி இந்தப் படத்தின் கதையில் குற்ற நிகழ்வு நடந்த இடத்தில் குற்றவாளி ஒருவன் ஒரு வார்த்தையை மட்டும் விட்டுச் செல்கிறான். அந்த வார்த்தைக்கான காரணத்தின் நுனி தேடி காவல்துறை மோப்பம் பிடித்துத் தொடர்ந்து குற்றத்தின் காலடித்தடயம் அறிந்து குற்றவாளிகளைக் கண்டுபிடித்து வழக்கை முடிப்பது தான் இந்தக் கதை. வருகிற 17ம் தேதி படம் வெளியாகிறது.