கேங்ஸ்டர் கதையில் ரஜினியின் 171வது படம்: புதிய அப்டேட் வெளியானது

தற்போது ரஜினிகாந்த் ஜெயிலர் படத்தில் நடித்து வருகிறார். அடுத்து தனது மகள் ஐஸ்வர்யா இயக்கும் லால் சலாம் படத்தில் கெஸ்ட் ரோலில் நடிப்பவர், அந்த படத்தை முடித்ததும் ஜெய்பீம் ஞானவேல் இயக்கும் தனது 170வது படத்தில் நடிக்கப் போகிறார். அந்த படத்திற்குப் பிறகு லோகேஷ் கனகராஜ் இயக்கும் தனது 171வது படத்தில் நடிக்க இருப்பதாக தகவல்கள் வெளியாகியுள்ளன.

மேலும் பான் இந்தியா கதையில் உருவாகும் இப்படம் 200 கோடி பட்ஜெட்டில் உருவாகிறதாம். அந்த வகையில் கமலுக்கு ஒரு மிகப்பெரிய கம்பேக் கொடுத்த விக்ரம் படத்தை போன்று இந்த படம் ரஜினிக்கு இருக்கும் என்கிறார்கள். அதோடு இதற்கு முன்பு ரஜினி நடித்த பாட்ஷா படத்தை போன்று ஒரு அதிரடியான கேங்ஸ்டர் கதையில் ரஜினி 171வது படத்தை இயக்க லோகேஷ் கனகராஜ் திட்டமிட்டிருப்பதாகவும் கூறப்படுகிறது.