மலைக்கோட்டை வாலிபன் : மோகன்லால் என்ட்ரி கிளிம்ப்ஸ் வெளியானது

மோகன்லாலின் நடிப்பில் தற்போது விறுவிறுப்பாக தயாராகி வரும் படம் மலைக்கோட்டை வாலிபன். மலையாளத்தில் அங்கமாலி டைரீஸ், ஜல்லிக்கட்டு உள்ளிட்ட வித்தியாசமான கதைக்களம் கொண்ட படங்களை இயக்கிய இயக்குனர் லிஜோ ஜோஸ் பெள்ளிசேரி இந்த படத்தை இயக்கி வருகிறார். ராஜஸ்தானை சேர்ந்த ஒரு மல்யுத்த வீரரின் கதையாக உருவாகி வருகிறது.

ராஜஸ்தானில் இந்த படத்தின் பெரும்பகுதி படப்பிடிப்பு நடைபெற்றுள்ளது. இந்த நிலையில் மோகன்லாலின் பிறந்தநாளை முன்னிட்டு இந்த படத்திற்கு கிளிம்ப்ஸ் வீடியோ வெளியிட்டுள்ளனர். இந்த வீடியோவில் போட்டி நிறைந்த அரங்கில் இரண்டு பக்கமும் கூடியுள்ள பார்வையாளர்கள் இரு பிரிவாக பிரிய அதன் நடுவில் மோகன்லால் இரண்டு தோள்களுக்கு மேலிருந்து தனது கைகளால் மிகப்பெரிய வடத்தை பிடித்து இழுத்தபடி வருவது போன்ற காட்சிகள் இடம் பெற்றுள்ளன.