நகுல் நடிக்கும் புதிய படம் ‛நிற்க அதற்கு தக'

நடிகர் நகுல் பாய்ஸ் படத்தின் மூலம் சினிமாவிற்கு அறிமுகமானார். அதன் பிறகு காதலில் விழுந்தேன் படம் மூலம் ஹீரோ ஆனார். தொடர்ந்து மாசிலாமணி, வல்லினம், தமிழுக்கு எண் ஒன்றை அழுத்தவும் உள்ளிட்ட படங்களில் நடித்தார். அவர் நடித்த படங்கள் எதுவும் பெரிதளவில் வெற்றி பெறவில்லை. அதனால் அவரும் கடந்த சில வருடங்களாக படங்களில் எதுவும் நடிக்காமல் இருந்தார். இந்த நிலையில் டி3 படத்தின் இயக்குனர் பாலாஜி இயக்கத்தில் நகுல் நடிக்கும் புதிய படத்தை அறிவித்துள்ளனர். இந்த படத்திற்கு நிற்க அதற்கு தக என்று தலைப்பு வைத்துள்ளனர். கிரைம் கலந்த த்ரில்லர் கதை களத்தில் உருவாகும் இப்படத்தை ஏ.ஜி. எண்டர்டெயின்மெண்ட் நிறுவனம் தயாரிக்கின்றனர்.