விஜய்யின் லியோ படத்தின் கேரள உரிமையை வாங்கிய கோகுலம் மூவிஸ்!

லோகேஷ் கனகராஜ் இயக்கத்தில் விஜய் நடித்து வரும் லியோ படம் வருகிற அக்டோபர் மாதம் 19ம் தேதி திரைக்கு வருகிறது. இப்படத்தின் படப்பிடிப்பு ஜூன் மாதத்தோடு முடிவடைந்து இறுதிக்கட்ட பணிகள் துவங்கப்பட உள்ளது. விஜய் பிறந்த நாளின் போது இப்படத்தின் பர்ஸ்ட் லுக் மற்றும் நான் ரெடி பாடல் வெளியிடப்பட்டு சோசியல் மீடியாவில் வைரல் ஆகி வருகிறது. இந்த நிலையில் லியோ படத்தை கேரளாவில் வெளியிடும் உரிமையை கோகுலம் மூவிஸ் பெற்றுள்ளது.

கேரளாவில் விஜய்க்கு அதிகப்படியான ரசிகர்கள் இருப்பதால் அங்கு இந்த முறை கூடுதலான தியேட்டர்களில் இப்படத்தை வெளியிடவும் அந்நிறுவனம் திட்டமிட்டுள்ளது. குறிப்பாக, தமிழகத்தில் உள்ள விஜய் ரசிகர்களைப் போலவே கேரளா ரசிகர்களும் அவர் நடித்த படங்கள் வெளியாகும் போது மிகப்பெரிய அளவில் கட்அவுட் பேனர்களை வைத்து பரபரப்பை ஏற்படுத்தி வருவது குறிப்பிடத்தக்கது.