மல்டி ஸ்டாரர் படமாக மாறும் ரஜினி 170வது படம்

ஜெய் பீம் பட இயக்குனர் தா.சே.ஞானவேல் இயக்கத்தில் ரஜினிகாந்த் தனது 170வது படத்தில் நடிக்கிறார். லைகா புரொடக்சன்ஸ் தயாரிக்கும் இப்படத்திற்கு அனிரூத் இசையமைக்கிறார். ஏற்கனவே இது குறித்து அதிகாரப்பூர்வமாக அறிவித்தனர். இப்படத்தில் ரஜினிகாந்த் உடன் இணைந்து அமிதாப்பச்சன், நானி உள்ளிட்டோர் நடிப்பதாக தகவல் வெளியானது. இந்த நிலையில் தற்போது கிடைத்த தகவலின் படி, இந்த படத்தில் பிரபல மலையாள நடிகர் பஹத் பாசில் மற்றும் மலையாள நடிகை மஞ்சு வாரியர் ஆகியோர் முக்கிய கதாபாத்திரங்களில் நடிக்க ஒப்பந்தம் ஆகியுள்ளதாக கூறப்படுகிறது. மேலும் சிலரை நடிக்க வைக்க பேச்சுவார்த்தை நடக்கிறது. அந்தவகையில் ‛ஜெயிலர்' படம் போன்று ரஜினி 170 படமும் மல்டி ஸ்டாரர் படமாக உருவாக உள்ளது.